दाङ । ६५औं राष्ट्रिय सहकारी दिवसको अवसरमा आज नेपाल बचत तथा ऋण केन्द्रीय सहकारी संघ लि.(नेफ्स्कून) दाङ फिल्ड कार्यालय र  जिल्ला बचत संघ दाङको संयुक्त आयोजनामा बृहत रक्तदान कार्यक्रम सम्पन्न भएको छ । रक्तदान कार्यक्रममा ३२ जनाले रक्तदान गरेका छन् । 

जिल्ला बचत संघ दाङका अध्यक्ष रुप बहादुर खत्रीको अध्यक्षतामा आयोजित कार्यक्रममा जिल्ला सहकारी संघ दाङका अध्यक्ष गोविन्द प्रसाद शर्मा प्रमुख अतिथि, जिल्ला बचत संघ दाङकी उपाध्यक्ष हुमा डिसी र सचिव विमल अधिकारी अतिथिमा हुनुहुन्थ्यो ।

प्रमुख अतिथि शर्माले रक्तदान जस्तो महत्वपूर्ण कार्य गरेर सहकारीले समाजप्रतिको उत्तरदायित्व बहन गरेको प्रति खुसी प्रकट गर्दै रक्तदानजस्तो मानव जिवन रक्षाको निम्ति पवित्र र पुण्यको काममा सहभागी सम्पूर्ण रक्तदाताहरुलाई धन्यवाद दिनुभयो । 

रक्तदान कार्यक्रममा जिल्लाका विभिन्न ३१ सहकारी संस्थाबाट ३८ जनाको सहभागिता रहेको थियो । कार्यक्रम सञ्चालन नेफ्स्कून दाङ फिल्ड कार्यालयका इन्चार्ज विष्णु जोशीले गर्नुभएको थियो ।