काठमाडौं । दोलखा सदरमुकाम चरिकोटमा मुख्य कार्यालय रहेको मिलिजुली कालिञ्चोक साकोस लि. ले ६५ औं राष्ट्रिय सहकारी दिवसको पूर्व सन्ध्यामा विविध कार्यक्रमहरु गरेको छ । छ । संस्थाले आफ्नो कार्यक्षेत्रभित्र पर्ने ९ वटा पालिकामध्ये विगु, गौरीशंकर, कालिञ्चोक र शैलुङ्ग गाउँपालिकामा विविध कार्यक्रम गरेको हो ।

राष्ट्रिय सहकारी दिवसको अवसर पारी उल्लिखित पालिकाभित्रका केही बिद्यालयहरुमा वित्तीय साक्षरता तथा स्टेशनरी वितरण, पहिला वितरण गर्न बाँकी केही स्थानमा स्ट्रेचर वितरण, जेष्ठ शेयर सदस्यलाई टेक्ने लठ्ठी वितरण गरेको छ । यसैगरी सहकारी दिवसकै अवसर पारेर सामाजिक कार्यक्रम अन्तर्गत हिजो विगु गाउँपालिका वडा नं ७ मा रहेको बिगु गुम्बामा २६ थान कुर्सी प्रदान गरेको छ । सबै शेयर सदस्य तथा कार्यक्षेत्रभित्रका बिद्यालयहरुमा अध्ययनरत सबै विद्यार्थीहरुलाई स्लाईड प्रस्तुतिको माध्यामद्धारा वित्तीय साक्षरता कार्यक्रम प्रदान गर्ने संस्थाको लक्ष्य रहेको अध्यक्ष नारायण बहादुर श्रेष्ठले बताउनु भयो ।