नवलपरासी । मध्यविन्दु –३, इटौराको गरिबी निवारण चन्द्रज्योति बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्ट्रिय कार्यक्रम प्रोबेसनमा आबद्ध भएको छ । यस सम्बन्धमा नेफ्स्कून र गरिबी निवारण चन्द्रज्योति साकोसबीच आज औपचारिक सम्झौता भएको हो । 

साकोसको कार्यालयमा आयोजित एक संक्षिप्त कार्यक्रममा बीच साकोसका अध्यक्ष मिन बहादुर थापा र नेफ्स्कूनको तर्फबाट कार्यक्रम अधिकृत सुरज चालिसेले उक्त सम्झौतामा हस्ताक्षर गर्नुभएको थियो । हस्ताक्षर कार्यक्रममा साकोसका सचिव कमल प्रसाद पाठक, कोषाध्यक्ष प्रभा गिरी, सञ्चकलहरु क्रमशः मायादेवी सापकोटा, छविलाल न्यौपाने, हेमन्ता बस्ताकोटी, तारादेवी सिग्देल वोहरा र व्यवस्थापक गोमा कुमारी शर्मा उपस्थित हुनुहुन्थ्यो । 

१ हजार २३५ सदस्यहरु माझ वित्तीय पहुँच पुर्याउँदै आएको समुदायमा सञ्चालित गरिबी निवारण चन्द्रज्योति साकोसको ६ करोड ७५ लाखको वासलात रहेको अध्यक्ष थापाले जानकारी गराउनुभयो । साकोसको स्थापना २०६३ मंसिर ७ गते भएको थियो ।