चितवन । रत्ननगर नगरपालिका वडा नं ६, सौराहास्थित सौराहा साकोस प्रोबेसन कार्यक्रममा आबद्ध भएको छ । साकोसको तर्फबाट अध्यक्ष रामकुमार अर्याल तथा नेफ्स्कूनको तर्फबाट कार्यक्रम अधिकृत सुरज चालिसेले आज सम्झौतामा हस्ताक्षर गर्नुभएको हो । साकोसमा आयोजित कार्यक्रममा व्यवस्थापक नारायण प्रसाद तिमिल्सना, ऋण अधिकृत दिपक घिमिरे तथा नेफ्स्कून टाँडी सेवा केन्द्र प्रमुख केदार अधिकारीको उपस्थिति थियो । २०५६ साल साउन ११ गते स्थापना भएको सौराहा साकोसमा हाल १९ सय सदस्य छन् भने कुँल पुँजी ५० करोड रुपैयाँ रहेको छ । प्रोबेसन कार्यक्रम नेफ्स्कूनले सञ्चालन गरेको साकोसहरुको गुणस्तर सुनिश्चितासम्बन्धी पूर्ण तथा व्यावायिक साकोस विकास कार्यक्रम हो ।