दाङ । दाङको तुलसीपुर–५ मा अवस्थित सहयोगी बचत तथा ऋण सहकारी संस्था लि.ले आफ्नो १३औं स्थापना दिवस वृहत रक्तदान कार्यक्रम सहित मनाएको छ ।  कार्यक्रममा २१ जना रक्तदाताहरुले रक्तदान गर्नुभएको थियो । 

साकोसका अध्यक्ष रुप बहादुर खत्रीको अध्यक्षतामा आयोजित कार्यक्रममा नेफ्स्कूनका प्रतिनिधि, राष्ट्रिय सहकारी बैंकका प्रतिनिधि, आयोजक साकोसका सञ्चालक समिति, लेखा सुपरिवेक्षण समिति र विभिन्न उपसमितिहरुको उपस्थिति रहेको थियो । 

अध्यक्ष खत्रीले साकोसले हासिल गरेको सफलता सदस्यहरुका लागि उदारहणीय भएको भन्दै सामाजिक उत्तरदायित्वका कार्यक्रमहरुलाई पनि सँगै अघि बढाईरहेको जानकारी गराउनु भएको थियो । रक्तदान कार्यक्रममा सहभागी रक्तदाताहरु र नेपाल रेडक्रस सोसाइटि रक्तसंचार सेवा केन्द्रका कर्मचारी लगायत उपस्थित सबैलाई धन्यवाद ज्ञापन गर्नु भएको थियो । साकोसले सदस्यसँग सामाजिक अभियान अनतर्गत सहकारी शिक्षा, सहकारी अवलोकन भ्रमण, चाडपर्व कार्यक्रम लगायत सामाजिक उत्तरदायित्व बहन गरेको उहाँले जानकारी गराउनु भयो ।