कैलाली । कैलालीको श्री एकता प्रगतिशिल बचत तथा ऋण सहकारी संस्थाको प्रथम सेवा केन्द्र बनबेहडामा उद्घाटन गरिएको छ । संस्थाका अध्यक्ष सुरत बहादुर बोगटीको अध्यक्षतामा भएको कार्यक्रममा प्रमुख अतिथि गौरीगंगा नगरपालिका वडा नं. ६ का वडा अध्यक्ष टेक बहादुर कुँवरले सेवा केन्द्रको उद्घाटन गर्नुभएको थियो । कार्यक्रममा विशिष्ट अतिथिमा निवर्तमान वडा अध्यक्ष कमला शर्मा रहनुभएको थियो । 

वडाका जनप्रतिनिधिहरु, साकोसका सञ्चालक समिति, लेखा समिति संयोजक, विद्यालय व्यवस्थापन समितिका अध्यक्ष, सामुदायिक वनका अध्यक्ष कर्मचारीहरु तथा व्यापारीहरुको सहभागिता रहेको थियो । कार्यक्रममा संस्थागत प्रस्तुतिकरण गरिएको थियो । कार्यक्रम सञ्चालन संस्थाका व्यवस्थापक शेर बहादुर बोगटीले गर्नुभएको थियो ।