दोलखा । गौरीशंकर क्लष्टरमा आवद्ध दोलखा र रामेछाप जिल्लाका ७ बचत तथा ऋण सहकारी संस्थाहरुको २५आंै कार्यकुशलता तथा सिकाई व्यवस्थापन कार्यशाला सम्पन्न भएको छ । 

नेफ्स्कूनद्वारा सञ्चालित पूर्ण तथा व्यावसायिक साकोस विकास कार्यक्रम (प्रोबेसन) अन्तर्गत उक्त क्लष्टरमा आबद्ध साकोसहरुबीच हालसम्मका असल सिकाई अभ्यासहरु आदान प्रदान गरिएको थियो । 

जनजागरण साकोस, दोलखाको आयोजना र नेफ्स्कूनको प्राविधिक सहयोगमा सञ्चालित कार्यशाला गोष्ठीको अध्यक्षता आयोजक साकोसका अध्यक्ष पवन प्रसाद दहालको अध्यक्षता र बैतेश्वर गाउपालिका वडा नं ३ का वडा अध्यक्ष कमल अधिकारी प्रमुख आतिथ्यतामा भएको थियो । 

नेफ्स्कूनका वरिष्ठ कार्यक्रम  अधिकृत प्रेम वाग्ले र कार्यक्रम अधिकृत पवन घिमिरेले कार्यशालाको सहजीकरण गर्नुभएको थियो । गौरीशंकर क्लष्टरमा जनजागरण साकोस, जनउपकार साकोस, जनहितकोष साकोस, बेताली साकोस, अर्थभूमि साकोस, साहारा साकोस र आकाशदिप साकोस रहेका छन् । कार्यशालामा आबद्ध ७ साकोसका पदाधिकारी र व्यवस्थापक गरी ४५ जनाको उपस्थिति रहेको थियो । कार्यशालामा प्रोबेसनका विभिन्न सूचकमाथि छलफल गरि साकोस सञ्चालनका भावि रणनीतिक योजनाहरुका बारेमा समेत अन्तरक्रिया गरिएको थियो ।