कैलाली । सुदुरपश्चिम प्रदेश अन्तरर्गत कैलालीको बर्दगोरिया गाँउपालिकामा सञ्चालित सहकारीहरुका लागि सहकारी व्यवस्थापन तालिम प्रदान गरिएको छ ।  

नेपाल बचत तथा ऋण केन्द्रीय सहकारी संघ लि. (नेफ्स्कून) को  आयोजना र बर्दगोरिया गाँउपालिकाको सहकार्यमा आधारशिला कार्यक्रम अन्र्तगत सहकारी व्यवस्थापन तालिम आईतबार सञ्चालन गरिएको थियो ।

नेफ्स्कूनले स्थानीय निकायसँगको सहकार्य र समन्वयमा सबै प्रकृतिका सहकारीहरुको सक्षमता विकास तथा सशक्तिकरणका लागि गतबर्षदेखि आधारशिला कार्यक्रम कार्यान्वयनमा ल्याएको हो ।  

नेफ्स्कूनका सञ्चालक सदस्य एवम् कञ्चनपुर फिल्ड व्यवस्थापन उप समिति संयोजक माधव प्रसाद जोशीको अध्यक्षता र बर्दगोरिया गाँउपालिकाका प्रमुख प्रशासकीय अधिकृत अर्जुन सिंह कार्कीको प्रमुख आतिथ्यतामा तालिम समापन गरिएको थियो । कार्यक्रमका अतिथिहरुमा बर्दगोरिया गाँउपालिकाका सहकारी शाखा अधिकृत झपि राज ओझा र सूचना प्रविधि सहायक सिताराम चौधरीको उपस्थिति रहेको थियो ।

उक्त कार्यक्रममा बर्दगोरिया गाँउपालिका कैलालीमा सञ्चालित विभिन्न प्रकृतिका सहकारीबाट २८ जना व्यवस्थापक र अन्य प्रतिनिधिहरुको सहभागिता रहेको थियो । तालिम सहजिकरण संघका कार्यक्रम अधिकृत पवन जंग मल्लले गर्नुभएको थियो । कार्यक्रम सञ्चालन र व्यवस्थापन धनगढी सेवा केन्द्र कैलालीका इन्चार्ज योगेश बोहराले गर्नुभएको थियो ।