काठमाडौं । नेफ्स्कून फिल्ड कार्यालय दाङको आयोजनामा घोराहीमा वार्षिक योजना तथा बजेट निर्माण तालिम सञ्चालन भएको छ । घोराही उपमहानगरपालिकाकी उपप्रमुख हुमा कुमारी डि.सी.ले दुई दिवसीय तालिमको सोमबार उद्घाटन गर्नुभएको थियो । डि.सी. नेफ्स्कूनकी पूर्व लेखा सुुपरिवेक्षण समिति सदस्य हुनुहुन्छ । 

उपप्रमुख डि.सी.ले स्थानीय जनप्रतिनिधि निर्वाचित भएसँगै साकोस आवाजसँगको कुराकानीका क्रममा उपमहानगरभित्र सञ्चालित सहकारीहरुलाई व्यवसायमुखी बनाउने, नीति, विधि र प्रविधिमा सञ्चालनका लागि जोड दिने र सहकारी मार्फत सरल कर्जा उपलब्ध गराएर महिलाहरुमा उद्यमशिलता विकास गरी रोजगारी सिर्जना र गरिबी निवारणमा लाग्ने प्रतिबद्धता व्यक्त गर्नुभएको थियो । 

तालिमको सहजीकरण नेफ्स्कूनका सूचना प्रविधि अधिकृत राजन सुवेदी र कार्यक्रम अधिकृत रविन्द्र श्रेष्ठले गर्नुभएको छ ।