काठमाडौं । चितवनको राप्ती नगरपालिका २ स्थित ग्रामीण बचत तथा ऋण सहकारी संस्था लि. ले राणनीतिक व्यावसायिक योजना निर्माण कार्य सम्पन्न गरेको छ । असार २४ र २५ गते दुई दिन सञ्चालित योजना निर्माण कार्यशालामा साकोसका सञ्चालक समिति, उपसमिति, सल्लाहकार र कर्मचारीहरु गरी २५ जनाको सहभागिता रहेको थियो । 

साकोसका अध्यक्ष एकराज ओलीको अध्यक्षता एवं नेफ्स्कूनकी उपाध्यक्ष शान्ति अधिकारीको प्रमुख आतिथ्यतामा कार्यशाला सुरु भएको थियो । कार्यशालामा जिल्ला सहकारी संघ चितवनका अध्यक्ष हरी प्रसाद पौडेल, राप्ती नगरपालिका वडा नं. २ र ३ का वडा अध्यक्ष क्रमशः श्यामसुन्दर उप्रेती र शिवकान्त ओली, संस्थाका संस्थापक अध्यक्ष पशुपती नाथ ढुंगानाको विशेष उपस्थिति रहेको थियो । 

योजना निर्माण सहजीकरण नेफ्स्कूनका तालिम अधिकृत रविन्द्र श्रेष्ठले गर्नुभएको थियो । साकोसका व्यवस्थापक सिताराम सिलवालको उपस्थितिमा कार्यक्रम सञ्चालन भएको थियो ।