भक्तुपुर । सामूहिक बचत तथा ऋण सहकारी संस्था लि. भक्तपुरले आर्थिक वर्ष २०७९।०८० का लागि बजेट तथा योजना तर्जुमा कार्यक्रम शनिवार सम्पन्न गरेको छ । साकोसले अगामी आ.व.का लागि कुल १ अर्व ३ लाख बराबरको बजेट तथा योजना निर्माण गरेको छ । 

साकोसको सभाहलमा अयोजित कार्यक्रममा साकोसका अध्यक्ष धनेशराज राजोपाध्यायको सभापतित्व, लेखा सुपरिवेक्षण समिति संयोजक नित्यनाथ श्रेष्ठको आतिथ्यता रहेको थियो । 

साकोसका सचिव कृष्णहरि सैँजु र कोषाध्यक्ष अशोकरत्न शाक्य लगायत संस्थाका सञ्चालक समिति, पूर्व अध्यक्ष, सल्लाहकार तथा उपसमिति सदस्य र कर्मचारीहरु गरी जम्मा ३१ जनाको सहभागिता रहेको थियो । 

साकोसका अध्यक्ष धनेशराज राजोपाध्यायले सदस्यहरुबीच बृहत छलफल तथा सुझाब संकलन गरि अवका दिनमा कार्यक्षेत्र विस्तार र सदस्यता वृद्धिलाई जोड दिँदैजानुपर्ने बताउनुभयो । लेखा सुपरिवेक्षक समितिका संयोजक नित्यनाथ श्रेष्ठले व्यवस्थापन र सञ्चालक समिति बीच एकमत भएर साकोसको संस्थागत सुदृढीकरणमा लाग्नुपर्ने बताउनुभएको थियो । 

कार्यक्रममा संस्थाका व्यवस्थापक कविन्द्र धौवन्जारले आ.व २०७९।०८० का लागि जम्मा १ अर्व ३ लाख बराबरको बजेट तथा योजना प्रस्तुत गर्नुभएको थियो ।