चितवन । भरतपुर –२३, कृष्णचोकमा अवस्थित सजिलो बचत तथा ऋण सहकारी संस्था लि. ले शेयर सदस्य स्व. निल कुमारी स्याङ्जालीको परिवारलाई मृत्यु राहत कोष रकम हस्तान्तरण गरेको छ । साकोसले स्व. सदस्यको नवौ दिनको पुन्य तिथिमा श्रद्धाञ्जली सभाको आयोजना गरी मृत्यु राहत कोष बाट रु ५०,०००/–(पचास हजार रुपैया) र भेटि  मृतक सदस्यको श्रीमान हरि बहादुर थापालाई हस्तान्तरण गरिएको जनाएको छ ।

सदस्यलाई जन्म देखि मृत्यु सम्मका विविध सेवाहरुमा साथ दिँदै आएको साकोसले हालसम्म  मृत्य राहात कोष बाट करिब १० जना सदस्यका परिवारलाई सहयोग रकम प्रदान गरिएको साकोसका अध्यक्ष मीन बहादुर परियारले जानकारी दिनुभयो । साकोसका सञ्चालक समिति, अन्य उपसमिति तथा कर्मचारीहरुको उपस्थितिमा एक श्रद्धाञ्जली सभा कार्यक्रम मार्फत मृतक परिवारलाई समवेदना  प्रकट गर्दै सदस्य सहयोग रकम प्रदान गरिएको थियो ।