काठमाडौं । नेपाल बचत तथा ऋण केन्द्रीय सहकारी संघ लि.(नेफ्स्कून) बनेपा फिल्ड कार्यालयको आयोजनमा काभ्रेपलाञ्चोक जिल्लामा अवस्थित साकोसहरुलाई लक्षित गरि एक दिवसीय पूर्ण तथा व्यावसायिक साकोस विकास कार्यक्रम प्रोबेसन अभिमुखीकरण सम्पन्न भएको छ ।

 
अभिमुखीकरण कार्यक्रम नेफ्स्कूनका सञ्चालक सदस्य एवम् बनेपा फिल्ड कार्यालय व्यवस्थापन उपसमित संयोजक जीवसराज खड्काको अध्यक्षतामा भएको थियो । बनेपा फिल्ड कार्यालय व्यवस्थापन उपसमिति सदस्य रोशन श्रेष्ठले स्वागत मन्तव्य व्यक्त गर्नुभएको थियो ।

कार्यक्रममा विभिन्न १७ वटा बचत तथा ऋण सहकारी संस्थाबाट २१ जना पदाधिकारी एवं व्यवस्थापकहरुको  सहभागिता रहेको थियो । 

कार्यक्रम सहजीकरण नेफ्स्कूनका सहायका कार्यकारी अधिकृत एवम् सदस्य सेवा विभाग प्रमुख गणेश प्रसाद तिमल्सिना र बरिष्ठ कार्यक्रम अधिकृत भरत प्रसाद न्यौपानेले गर्नुभएको थियो । 

कार्यक्रममा उठेका जिज्ञासामाथि सहजकर्ता द्वय तिमल्सिना र न्यौपानेले प्रष्ट्याउनुभएको थियो । 

कार्यक्रममा आफ्ना जिज्ञासा राख्दै नवदुर्गा साकोस पनौतीका प्रमुख कार्यकारी अधिकृत दिपक प्रसाद तिमल्सिनाले संस्था प्रोबेसन कार्यक्रममा सहभागी हुनु अघि र आबद्ध भैसकेपछि संस्थामा आएको परिवर्तन र यसको उपादेयता बारे सहभागीहरुलाई जानकारी गराउनु भएको थियो । 
कार्यक्रमको अन्त्यमा सभाध्यक्षले साकोसहरुको सबलीकरण र संस्थालाई दिगो बनाउनका लागी स्तरीरकण कार्यक्रमा आबद्ध हुदै सदस्यहरुलाई व्यावसायिक सेवा प्रदान गर्नुपर्नेमा जोड दिनुभएको थियो ।

कार्यक्रम पश्चात् काभ्रेको पिपुल्स साकोसले प्रोबेसन कार्यक्रम सम्झौता गरेको थियो । सम्झौता कार्यक्रममा नेफ्स्कूनको तर्फबाट बरिष्ठ कार्यक्रम अधिकृत भरत प्रसाद न्यौपाने र साकोसका तर्फबाट उपाध्यक्ष पवन राज कर्णजीतले हस्ताक्षर गर्नुभएको थियो । सो सम्झौता पत्रमा संघका सञ्चालक जीवसराज खड्का उपस्थित हुनुहुन्थ्यो । 

२०६२ सालमा स्थापित पिपुल्स साकोसले काभ्रेको बनेपा नगरपालिका वडा नं. ८ मा कार्यालय राखी कुल ५ हजार ९ सय ५२ सदस्यहरुलाई वित्तीय सेवा उपलब्ध गराउँदै आइरहेको छ । हाल संस्थाको कुल वासलात ३१ करोड ५४ लाख रहेको छ । साकोस जोखिममा आधारित साकोस सुपरिवेक्षण कर्ब्स कार्यक्रममा समेत सहभागी थियो ।

कार्यक्रम संयोजन/सञ्चालन बनेपा फिल्ड कार्यालका बरिष्ठ सहायक प्रेमहरी मैनालीले गर्नुभएको थियो ।