ललितपुर । गुइत बचत तथा ऋण सहकारी संस्था लि.कर्ब्स कार्यक्रममा आबद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो । 

साकोसको कार्यालयमा आयोजित एक संक्षिप्त कार्यक्रमका बीच साकोसका अध्यक्ष ज्ञान बहादुर महर्जन र नेफ्स्कूनको तर्फबाट नेफ्स्कूनकी कार्यक्रम अधिकृत सोविता मैनालीले सम्झौतापत्रमा हस्ताक्षर गर्नुभएको थियो ।

कार्यक्रममा साकोसका सचिव राजेन्द्र महर्जन र नेफ्स्कून ललितपुर फिल्ड कार्यालयका व्यवसाय सहायक सुचन महर्जन उपस्थित हुनुहुन्थ्यो । 

जोखिममा आधारित साकोस सुपरिवेक्षण कार्यक्रमले सहकारीको जोखिम पहिचान गरी सुरक्षित र दिगो सहकारी निर्माणमा सहयोग पुर्याउने अपेक्षा सहित कार्यक्रममा आबद्ध भएको साकोसका अध्यक्ष महर्जनले जानकारी गराउनुभयो । 

२०६६ सालमा ललितपुरको गुईंटोलमा स्थापना भएको गुइत बचत तथा ऋण सहकारी संस्थामा हाल ८ सय ४० सेयर सदस्य छन् भने साकोसको कुल पुँजी करिब १६ करोड रुपैयाँ रहेको छ ।