बागलुङ । बागलुङमा सदस्य साकोसहरुसँग सहकारीका समसामयिक विषयमा वृहत अन्तरक्रिया गरिएको छ । नेफ्स्कून फिल्ड कार्यालय पोखराको आयोजना र बागलुङ जिल्ला बचत सघंको ब्यवस्थापन सहयोगमा सदस्य संघ÷सस्थांहरुसँग सहकारीका समसामयिक बिषय सम्बन्धी अन्र्तक्रिया कार्यक्रम भाद्र २४ गते शुक्रबार सम्पन्न भएको हो । कार्यक्रममा बागलुङ  र म्याग्दी जिल्लाका बचत तथा ऋण सहकारीबाट ८४ जनाको उपस्थिति रहेको थियो ।

कार्यक्रम नेपाल बचत तथा ऋण केन्द्रीय सहकारी संघ लि.(नेफ्स्कून) का सञ्चालक सदस्य एवम् बागलुङ जिल्ला बचत संघका अध्यक्ष चण्डी प्रसाद शर्मा पौडेलको अध्यक्षता, संघका उपाध्यक्ष गणेश बहादुर खत्रीको स्वागत र सह सचिव विरबहादुर किसानको सञ्चालनमा सम्पन्न भएको थियो ।

कार्यक्रमको उद्घाटन प्रमुख अतिथि बागलुङ नगरपालिकाका नगरप्रमुख बसन्त कुमार श्रेष्ठले गर्नुभएको थियो । नगरप्रमुख श्रेष्ठले सहकारी क्षेत्र गैर सरकारी संस्था भन्दा फरक भएकोले सहकारी मार्फत आर्थिक, सामाजिक, सांस्कृतिक विकासको प्रवल सम्भावना रहेको चर्चा गर्नुभयो । 

नेफ्स्कूनले समयमै कार्यक्रम राखेर राम्रो गरेको छ, सहकारीको विकासका लागि नगरपालिकाको तर्फबाट र व्यक्तिगत तर्फबाट पनि अत्यन्त सकारात्मक रहेको बताउँदै उहाँले अभियानसँगको सहकार्यमा स्थानीय सरकार अगाडि बढ्ने प्रतिबद्धता व्यक्त गर्नुभयो । 

नेफ्स्कूनका सञ्चालक शर्माले बचत तथा ऋण सहकारी अभियानको स्तरीकरण, शुद्धीकरण, सवलीकरण र सुदृढीकरणको समय भएकोले अब कुनै पनि सहकारी संस्था स्तरीकृत हुनुको विकल्प नरहेको बताउनुभयो । उहाँले सहकारी अभियान बलियो बनाउन सहकारी संस्था, संघ, केन्द्रीय निकाय र स्थानीय सरकारबीच एकमत भएर अगाडि बढ्नुपर्नेमा जोड दिनुभयो ।

कार्यक्रममा बागलुङ नगरपालिका–१२ का वडा अध्यक्ष कोपिलामणी शर्मा, नेफ्स्कूनका सहायक कार्यकारी अधिकृत एवम् व्यवसाय विभाग प्रमुख दुर्गा प्रसाद ढकाल लगायतले सहकारीका समसामयिक विषयहरुमा आफ्ना विचार राख्नुभएको थियो । 

अन्तरक्रियामा सहभागी सहकारीकर्मीहरुले समतामुलक समाज निर्माणका निम्ती नेपालका सहकारीको ठुलो योगदान रहेको हुँदा सवै सहकारी एउटै स्टाण्डरमा चल्नुपर्नेमा जोड दिएका थिए ।

संघमा आवद्ध सहकारीका सञ्चालक र प्रवन्धकहरुको सहभागिता रहेको कार्यक्रमको सहजीकरण संघका व्यवसाय विभाग प्रमुख ढकालले गर्नुभएको थियो ।