काठमाडौं । सुनपकुवा स्वावलम्बी बचत तथा ऋण सहकारी संस्था लि. मंगलबारे मोरङको आयोजना र नेफ्स्कूनको प्राविधिक सहयोगमा एक्सेस मेची कोशी क्लष्टर दोस्रोको २२ औं कार्यकुशलता तथा सिकाई व्यवस्थापन कार्यशाला मंसिर १६ गते सम्पन्न भएको छ । एक्सेस ब्राण्डीङ कार्यक्रम एसियाली ऋण महासंघ (अकू) को प्राविधिक सहयोगमा साकोसहरुको विचमा विगत देखि नेफ्स्कूनले सञ्चालन गर्दै आएको छ । 

यस क्लष्टरमा झापा र मोरङका गरी जम्मा ७ ओटा (डाँफे साकोस, कनकलक्ष्मी साकोस, लेटाङ साकोस, लालिगुँरास साकोस, दाम्राभिट साकोस, हाम्रो साकोस, र सुनपकुवा स्वावलम्बी साकोस )  साकोसहरुको आवद्धता रहेको छ भने उक्त कार्यशालामा ७ ओटा साकोसकबाट ३८ जनाको सहभागिता रहेको थियो ।

आयोजक साकोसको अध्यक्ष हेमचन्द्र थापाको अध्यक्षतामा संचालन भएको कार्यशालामा नेफ्स्कूनका संचालक घनश्याम अधिकारीको प्रमुख आतिथ्यता रहेको थियो । 

कार्यक्रममा बोल्दै प्रमुख अथिति नेफ्स्कून संचालक घनश्याम अधिकारले नेफ्स्कूनले संचालन गरेको गुणस्तर सुनिश्चितता कार्यक्रम (एक्सेस, प्रोवेसन र कर्वसं) सहभागी भएका साकोसहरुले आफ्नो मात्र संस्थागत सुशासन र संचालनमा गुणस्तरमता ल्याउनुको साथै समग्र साकोस अभियानका लागि रोल मोडल (उदारणिय) बन्नुपर्ने त्यसका लागि आफ्नो संस्थाले कार्यगर्न आग्रह गर्नुभयो साथै  हाल राज्य संग नेफ्स्कूनले वचत ऋण सहकारी अभियानलाई व्यवस्थित र जोखिम न्यूनिकरण गर्नको लागि सहकारी ऐन २०७४ मा भएको व्यवस्था कर्जा सूचना, केन्द्र ऋण असुली न्याधिकरण लागायतका विषयहरुमा पहल कदमी गरिरहेको र छुट्ै यसको परिणाम आउने कुरा वताउनु हुँदै अभियानको पहलमा संचालनमा ल्याएको स्थिरिकण कोषमा आफु सहभागी हुँदै अफु नजिकका साकोसहरुलाई सहभागिताको लागि पहल गर्न समेत अनुरोध गर्नुभएको थियो ।  

नेफ्स्कून बरिष्ठ सूचना प्रविधि अधिकृत सितल थपलियाले सूचना प्रविधि मार्फत साकोसमा आउनसक्ने जोखिम र उक्त जोखिम न्यूनिकरणको विषयमा सहजिकरण गर्नुभएको थियो भने  एक्सेस कार्यक्रमको सूचकका आधारमा संस्थाको प्रस्तुतिकरणका आधारमा कार्यक्रम अधिकृत कोमल राज अधिकारील सहजिकरण गर्नुभएको थियो ।