दशरथचन्द न.पा. । सुदूरपश्चिम प्रदेशको पहाडी जिल्ला बैतडीमा रहेको बचत तथा ऋण सहकारी संघ लि.ले आफ्नो १७औं वार्षिक साधारणसभा तथा अधिवेशन माघ ३ गते, मंगलबार सम्पन्न गरेको छ । संघका अध्यक्ष अम्बिका भण्डारीको अध्यक्षतामा शुरु भएको सभामा जिल्लाका ४१ बचत तथा ऋण सहकारी संस्थाका प्रतिनिधिहरुको सहभागिता रहेको थियो । 
 
सभाले अध्यक्षले पेश गरेको नीति तथा कार्यक्रम, गत आ.व. को लेखापरिक्षण प्रतिवेदन, आगामी बर्षको अनुमानित आय ब्यय तथा व्यवसायिक योजना, लेखा सुपरिवेक्षण समितिको प्रतिवेदन अनुमोदन गर्दै आगामी ४ बर्षका लागि शेर सिँह कार्कीको अध्यक्षतामा ९ सदस्यीय सञ्चालक समिति र मदन सिँह भाटको संयोजकत्वमा ३ सदस्यीय लेखा सुपरिवेक्षण समिति चयन गरेको छ । 

नवनिर्वाचित सञ्चालक समितिको अध्यक्षमा शेर सिँह कार्की, उपाध्यक्ष बेलु क्षेत्री, सचिवमा नारद सिँह ऐरी र कोषाध्यक्षमाम पुष्पा भण्डारी सर्वसम्मत चयन हुनुभएको छ भने समितिका सदस्यहरुमा क्रमशः टेकराज लेखक, बिरा ओड, प्रेम सिह बोहरा, बिष्ना जोशी र गोपाल सिँह कार्की चयन हुनुभएको छ । 

त्यसैगरि लेखा सुपरिवेक्षण समितिको संयोजकमा मदन सिँह भाट, सदस्यहरुमा चन्द्र देब पन्त र गोमति ठगुन्ना निर्विरोध चयन हुनुभएको छ ।