सुनसरी । इटहरीस्थित किसान कल्याण बचत तथा ऋण सहकारी संस्था लि. युवाक्लब खनारको आयोजनामा “गरिबी न्युनीकरणमा सहकारीको भूमिका’’ बिषयक वक्तृत्वकला कार्यक्रम सम्पन्न भएको छ । क्लबका अध्यक्ष मनोमन दाहालको अध्यक्षतामा इटहरी उ.म.न.पा.वडा नं. १२ का अध्यक्ष भुवन राज  पोखरेलको प्रमुख आतिथ्यतामा कार्यक्रम सम्पन्न भएको हो  । 

बक्तृत्वकला कार्यक्रममा खनार सेवाकेन्द्र कार्यक्षेत्रभित्रका ९ बटा  विद्यालयका १६ जना छात्र छात्राहरू प्रतियोगीको रूपमा सहभागी भएका थिए । कार्यक्रम मा क्रमशः सरस्वती सतन मा. वि. का प्रेम खत्री प्रथम,  खनार सनसाइन एकेडेमीका शुभाङ्ग लुइटेल द्वित्तीय,  न्यु एरा एकेडेमी की एनुका पोखरेलले तृतीय र साई चिल्ड्रेन होम का आकाश पराजुली चतुर्थ स्थान हासिल गरी  पुरस्कार प्राप्त गर्न सफल भएका छन् । 

विभिन्न युवा लक्षित कार्यक्रमहरु आयोजना गरी सहकारीमा युवा सहभागिता अभिवृद्धि गर्ने लक्ष्य लिइएको साकोसले जनाएको छ । साकोसले युवा शेयर सदस्यहरुलाई सहकारीमा सक्रिय बनाउने उद्देश्यले सबै सेवाकेन्द्रहरूमा युवा क्लब समेत गठन गरेको छ भने क्लबको नेतृत्वमा कार्यक्रहरु सञ्चालन गर्ने गरेको साकोसका प्रमुख कार्यकारी अधिकृत पुष्कर बस्नेतले जानकारी गराउनुभयो ।