काठमाडौं । म्याग्दीको म्याग्दी बचत तथा ऋण सहकारी संस्था लि.कर्ब्स कार्यक्रममा आवद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो, जुन नेफ्स्कून जिल्ला संघ साझेदारी कार्यक्रम अन्तर्गत सञ्चालित छ । 

वैशाख ८ गते साकोसको कार्यालयमा आयोजित एक संक्षिप्त कार्यक्रमका बीच नेफ्स्कून र साकोसबीच कार्यक्रम सहभागिता सम्झौता भएको हो । सम्झौतापत्र हस्ताक्षर कार्यक्रमका अवसरमा म्याग्दी साकोसका अध्यक्ष सुदर्शन कुमार श्रेष्ठ, कोषाध्यक्ष राजु बानिया, सहसचिव रामनारायण श्रेष्ठ, ऋण समिति संयोजक लक्ष्मी के.सी. लेखा समिति संयोजक कृष्ण बहादुर थापा, प्रवन्धक गोविन्द सुवेदी र नेफ्स्कूनको तर्फबाट बरिष्ठ अधिकृत भरत प्रसाद न्यौपाने, पोखरा फिल्ड कार्यालय इन्चार्ज यमकला सुवेदी र बेनी सेवा केन्द्र प्रमुख दिनेश थापाको उपस्थिति थियो । 

२०६३ श्रावण १५ गते स्थापना भएको म्याग्दी साकोसमा हाल ७ सय ५ जना सेयर सदस्य र कुल वासलात रु ११ करोड १५ लाख रहेको छ । साकोसमा ५ कर्मचारी कार्यरत छन् ।