काठमाडौं । सरकारले बचत तथा ऋणको कारोबार गर्ने गरी दर्ता भएका सहकारीहरुको आयकरमा लाग्ने दरमा सत् प्रतिशतले बृद्धि गरेको छ । सरकारले आर्थिक विधेयक मार्फत आयकर ऐन, २०५८ मा संशोधन गरी बचत तथा ऋणको कारोबार गर्ने सहकारीहरुको आयकरको दर बृद्धि गरेको हो । 

सोमबार प्रस्तुत आर्थिक वर्ष २०८०/०८१ को बजेट मार्फत नगरपालिका क्षेत्र भित्र सञ्चालित सहकारीलाई १० प्रतिशत, उप–महानगरपालिमा १५ प्रतिशत र महानगरपालिकामा सञ्चालित सहकारीलाई २० प्रतिशत आयकर लाग्ने व्यवस्था गरेको हो ।

सहकारी ऐन २०७४ मा नगरपालिका क्षेत्र भित्र सञ्चालित सहकारीलाई ५ प्रतिशत, उप–महानगरपालिमा ७ प्रतिशत र महानगरपालिकामा १० प्रतिशत आयकर लाग्ने व्यवस्था भएकोमा सोमबार संसदमा प्रस्तुत बजेट मार्फत करको दरमा हेरफेर गरेको हो ।