बुटवल । नेपाल बचत तथा ऋण केन्द्रिय सहकारी संघ लि. (नेफ्स्कून) सदस्य सेवा कार्यालय रुपन्देही बुटवल र नियोसिस टेक्नोलोजि प्रा.लि. को आयोजनामा मिरा ई आर.पीसफ्टवेयर सम्बन्धी अभिमुखिकरण तथा अन्तरक्रिया कार्यक्रम भएको छ ।

नेफ्स्कून महासचिव दामोदर अधिकारीको अध्यक्षतामा भएको कार्यक्रममा अतिथिहरु नेफ्स्कून सञ्चालक सन्दिप सापकोटा, रुपन्देही बचत संघका अध्यक्ष बसन्त ढकाल, नियोसिस प्रा.लि का प्रमुख कार्यकारी अधिकृत डा. भोज राज घिमिरे, रारा डिजिटल ल्यावका प्रवन्ध निर्देशक मनोज घिमिरे लगायतको उपस्थिति थियो । 
 
सभाध्यक्ष अधिकारीले सहकारीले आफ्ना सदस्यको बचत सुरक्षाका लागि सुरक्षित प्रविधिको प्रयोग गर्नु पर्ने र मिरा इ.आर.पि अहिलेको मागलाई सम्बोधन गर्नेगरी अभियानको सफ्वयरको रुपमा तयार भएको बताउनुभयो । 

कार्यक्रममा रुपन्देही, नवलपरासी, कपिलवस्तु र गुल्मी जिल्लाका गरी ५५ जनाको सहभागिता रहेको थियो । कार्यक्रमको सञ्चालन नेफ्स्कून सदस्य सेवा कार्यालय रुपन्देहीका व्यवसाय अधिकृत प्रकाश अधिकारीले गर्नुभएको थियो ।