सुर्खेत । वीरेन्द्रनगर नगरपालिका–४ भैरवस्थानमा मुख्य कार्यालय रहेको पिपलबोट बचत तथा ऋण सहकारी संस्था लि.आफ्नो २१ औं स्थापना दिवस मनाएको छ । स्थापना दिवसका अवसरमा साकोसले “पिपलबोटको अभियान जेष्ठ नागरिकको सम्मान” भन्ने मुल नारा सहित पिपलबोट जेष्ठ नागरिक बचत योजना शुभारम्भ गरेको छ । पिपलबोट जेष्ठ नागरिक बचत योजनाको शुभारम्भ संस्थाका सल्लाहकारहरु क्रमशः अम्मर बहादुर काकीी? कालुराम धौलाकोटी, पदम बहादुर खड्का, शिब प्रसाद सापकोटा, देवी प्रसाद खनाल र साकोसका अध्यक्ष बल बहादुर सार्कीले संयुक्त रुपमा गर्नुभएको थियो । 

जेष्ठ सदस्य बचत योजनामा साकोसका ३० जना भन्दा बढि सेयर सदस्यहरुको सहभागिता रहेको छ । आगामी दिनमा युवा लक्षित बचत योजना सुरुवात गर्ने योजना समेत रहेको साकोसका अध्यक्ष बल बहादुर सार्कीले बताउनु भयो ।

संस्थाको हाल कुल वासलात रु. १७ करोड ५१ लाख ९३ हजार ६ सय ८८ रहेको र कुल बचत ११ करोड ८९ लाख ३३ हजार रहेको र साकोसमा हाल २ हजार ७ सय ५५ सेयर सदस्य रहेका छन । कुल सदस्य संख्याको जेष्ठ शेयर सदस्य १२ प्रतिशत अर्थात ३ सय ३१ जना रहेका छन् । साथै स्थापना दिवसको अवरमा वीरेन्द्रनगर ४ मा रहेको प्रादेशिक सहिद पार्कमा सरसफाई तथा बिभिन्न प्रजातिका फुल र अन्य प्रजातिका बिरुवाहरु बृक्षारोपण समेत गरिएको थियो । 

सरसफाई तथा बृक्षारोपण कार्यक्रममा वीरेन्द्रनगर–४ का वडा अध्यक्ष शेर बहादुर केसी भैरव सामुदायिक वनका पदाधिकारी, स्थानीय युवा क्लवका प्रतिनिधिहरु लगायतको सहभागिता रहेको थियो । कार्यक्रम संञ्चालन संस्थाका सचिव गणेशमान खनालले गर्नुभएको थियो भने व्यवस्थापन सहजीकरण संस्थाका प्रबन्धक रमेश खनालले गर्नुभएको थियो ।