काठमाडौं । सहकारी विभागका रजिष्ट्रार नमराज घिमिरे र नेफ्स्कून प्रतिनिधिबीच साकोस अभियान सुदृढीकरणका लागि अबलम्बन गर्नुपर्ने महत्वपूर्ण विषयहरुमा छलफल भएको छ । संघको सभाहलमा बुधबार आयोजित संक्षिप्त छलफलका क्रममा बचत तथा ऋण सहकारी अभियान सुदृढीकरणका लागि अवलम्बन गर्नुपर्ने फिट एण्ड प्रपर टेष्ट, स्तरीकरण प्रवर्धन र प्रविधियुक्त सफ्टवेयर सञ्चालन गर्ने सम्बन्धमा छलफल केन्द्रित थियो । छलफलका क्रममा संघका कार्यवाहक अध्यक्ष चन्द्रप्रसाद ढकाल,  कोषाध्यक्ष दिपक पनेरु, व्यवस्थापन प्रमुख सञ्जयराज तिमिल्सीना, सहायक कार्यकारी अधिकृत राधेश्याम श्रेष्ठ, बरिष्ठ अधिकृत द्वय प्रेम वाग्ले र शितल थपलिया सहभागी हुनुहुन्थ्यो । अभियान सुदृढीकरणका लागि गनुपर्ने फिट एण्ड प्रपर टेष्ट सम्बन्धी विषयवस्तुहरु संघका बरिष्ठ अधिकृत वाग्लेले प्रस्तुतीकरण गर्नुभएको थियो ।