काठमाडौं । नेफ्स्कूनका नवनियुक्त प्रमुख कार्यकारी अधिकृत डा.शिवजी सापकोटाले आजबाट पदभार ग्रहण गर्दै जिम्मेवारी सम्हाल्नुभएको छ । संघका अध्यक्ष परितोष पौड्यालले नेफ्स्कून स्थापना दिवस समारोहका अवसरमा श्रावण ३२ गते संघको प्रमुख कार्यकारी अधिकृतमा डा. शिवजी सापकोटा नियुक्त भएको घोषणा सहित नियुक्तिपत्र प्रदान गर्नुभएको थियो । अध्यक्ष पौड्यालले आज संघमा आयोजित एक संक्षिप्त कार्यक्रमका बीच पदभार ग्रहण गराउनुभएको हो । कार्यक्रममा बरिष्ठ उपाध्यक्ष चन्द्र प्रसाद ढकाल, महासचिव दामोदर अधिकारी, कोषाध्यक्ष दिपक पनेरु, सञ्चलकहरु घनश्याम अधिकारी, माधव प्रसाद जोशी, जिवसराज खड्का, उच्च व्यवस्थापन सहित कर्मचारिहरुको उपस्थिति थियो । 

२०६३ सालदेखि नेफ्स्कून प्रवेश गर्नुभएका सापकोटा यसअघि २०७२ सालदेखि २०७७ सालसम्म ५ वर्ष सिईओको रुपमा कार्यरत हुनुहुन्थ्यो । सिईओको कार्यकाल सम्पन्न भएसँगै डा. सापकोटा २०७७ असार मसान्तबाट अभियानको मुख्य जिम्मेवारीबाट बाहिर रहनुभएको थियो । केन्द्रीय संघको कार्यजिम्मेवारीमा रहेर नेपालको सहकारी अभियान सुदृढीकरणमा डा. सापकोटाको योगदान महत्वपूर्ण रहने विश्वास व्यक्त गरिएको छ ।