कैलाली । नेपाल बचत तथा ऋण केन्द्रीय सहकारी संघ लि.(नेफ्स्कून) को आयोजनामा सुदूरपश्चिम प्रदेश–कैलालीको धनगढीमा साकोस अभियानको नेतृत्व पुनर्जागरण सम्बन्धी कार्यक्रम भदौ ११ गते सम्पन्न भएको छ । नेफ्स्कूनले आबद्ध सदस्य संघ संस्थाहरुको आशन्न निर्वाचनसहितको साधारणसभालाई लक्षित गरि सहकारीमा देखिएका समस्याहरुको व्यवस्थापन र साकोस अभियानमा नेतृत्व पुनर्जागरण सम्बन्धी कार्यक्रम सञ्चालन गरेको हो । 

सुदूरपश्चिम प्रदेश बचत तथा ऋण सहकारी संघ लि.का अध्यक्ष एवं नेफ्स्कूनका सञ्चालक माधव जोशीको अध्यक्षतामा आयोजित कार्यक्रमको उद्घाटन नेफ्स्कूनका अध्यक्ष परितोष पौड्यालले गर्नुभएको थियो । 

कार्यक्रममा प्रदेशका विभिन्न सहकारी संघ संस्था, स्थानीय निकायका प्रतिनिधि र स्थानीय सहकारीकर्मीहरु गरी १६० जनाको उपस्थिति रहेको थियो । 

कार्यक्रम उद्घाटन सत्रमा प्रमुख अतिथि र अथितिहरुबाट शुभकामना मन्तव्य राख्नुभएको थियो भने नेफ्स्कूनका प्रमुख कार्यकारी अधिकृत शिवजी सापकोटाले सहकारीका समसामयिक सबाल तथा साकोस अभियानमा नेतृत्व पुनर्जागरणको आवश्यकता विषयक प्रस्तुतीकरण गर्नुभएको थियो ।