लुम्बिनी । नेफ्स्कूनको आयोजना र अमेरिकी अन्तर्राष्ट्रिय विकास नियोग युएसएआईडी अन्तर्गतको ट्रेड एण्ड कम्पिटीटीभनेससँगको सहकार्यमा रुपन्देहीमा साकोसहरुको उत्पादनमुलक कर्जा नीति निर्माण समन्धी एक दिवसीय कार्यशाला सम्पन्न भएको छ । 

नेफ्स्कून र यूएसएआईडी अन्तर्गतको ट्रेड एण्ड कम्पिटीटीभनेस बीच यसै वर्ष सम्पन्न सम्झौता अनुरुप यो कार्यशाला आयोजना गरिएको हो । कार्यशालाको उद्देश्य सहभागी संस्थाहरुको विद्यमान ऋण लगानी नीति संशोधनमार्फत कम्तिमा एउटा कृषि र एउटा पर्यटनसम्बन्धी ऋण सेवा विकास गरी साना तथा मझौला उद्यमी सदस्यहरुलाई लाभान्वित गर्नु रहेको छ । यस प्रकारको कार्यले उद्यमशीलता प्रवर्धनमा समेत सहयोग पुर्याउने विश्वास द्धिपक्षीय साझेदारी सम्झौताले लिएको छ ।

कार्यक्रमका अतिथि ज्ञानु पौडेलले कृषि तथा पर्यटनको क्षेत्रमा साना तथा मझौला उद्यमीहरुलाई लगानी प्रवर्धन गर्ने विषयमा यो सहकार्य केन्द्रीत रहेको स्पष्ट पार्नुभयो  । उहाँले यो कार्यक्रमले साकोसको कर्जा नीतिलाई समय सापेक्ष परिमार्जन गर्दै कृषि र पर्यटनको क्षेत्रमा कर्जा प्रवाहलाई गुणस्तरीय वनाउने विश्वास व्यक्त गर्नुभयो । पर्यटकीय क्षेत्रको रुपमा लुम्बिनी प्रचुर सम्भावना बोकेको क्षेत्र पनि भएको हुँदा यो कार्यक्रम निकै महत्वपूर्ण रहेको उहाँले बताउनुभयो । 

नेफ्स्कूनका सञ्चालक सन्दीप सापकोटाले अनुत्पादक क्षेत्रमा भईरहेको लगानीलाई निरुत्साहित गर्दै संस्थाको कर्जा प्रवाहालाई राज्यको प्रथामिकताको क्षेत्रमा लगानीका लागि युएसएआईडी र नेफ्स्कूनको सहकार्यमा हालै सञ्चालनमा आएको यो कार्यक्रमले यस क्षेत्रका साकोसहरु लाभान्वित हुने बताउनुभयो ।

कार्यक्रम नेफ्स्कूनका सञ्चालक सन्दीप सापकोटाको अध्यक्षता, जनउत्थान साकोस रुपन्देहीकी अध्यक्ष एवम् बचत तथा ऋण सहकारी संस्था सम्बन्धी स्थिरीकरण कोष सञ्चालन समितिकी सदस्य ज्ञानु पौड्याल र कोलिय देवदह साकोसका अध्यक्ष शुभकान्त न्यौपानेको आतिथ्यतामा भएको थियो ।  

कार्यक्रम सहजीकरण नेफ्स्कूनका बरिष्ठ अधिकृत नविनराज दाहाल र एक्सेस टु फाइनान्स सर्भिस म्यानेजर सञ्जय झा ले गर्नुभएको थियो । कार्यक्रम सञ्चालन नेफ्स्कून रुपन्देही सदस्य सेवा कार्यालयका प्रमुख प्रकाश अधिकारले गर्नुभएको थियो । कार्यक्रममा रुपन्देहीका जनउत्थान साकोस, टुगा आस्था विकास साकोस, जागरुक साकोस र चितवनका झुवानी महिला साकोस, पञ्चतारा महिला साकोस र वछौली महिला साकोसबाट सञ्चालक समिति तथा व्यवस्थापकहरुको सहभागिता रहको थियो ।