कावासोती । नवलपरासी (ब.सु.पूर्व) कावासोती नगरपालिकामा रहेको पौरखी बचत तथा ऋण सहकारी संस्थाको १३औं वार्षिक साधारणसभा तथा पाँचौं अधिवेशनबाट पुनः सालिकराम कोइरालाको नेतृत्वमा नयाँ सञ्चालक समिति निर्वाचित भएको छ । शनिवार आयोजित एक कार्यक्रमका बीच साकोसले नव निर्वाचित सञ्चालक समिति र लेखा सुपरिवेक्षण समितिलाई प्रमाणपत्र वितरण तथा गोपनियताको सपथ गराएको थियो । नवनिर्वाचित अध्यक्ष कोइरालाको अध्यक्षतामा १३ सदस्यीय सञ्चालक समिति र विश्वनाथ काफ्लेको संयोजकत्वमा ३ सदस्यीय लेखा सुपरिवेक्षण समिति निर्वाचित भएको हो । समितिको उपाध्यक्षमा विष्णु प्रसाद सुवेदी, सचिव ज्ञानेन्द्र न्यौपाने, कोषाध्यक्ष मिना कुमारी घिमिरे, सह–सहिव होम बहादुर विश्वकर्मा र सदस्यहरु क्रमशः हरिभक्त लम्साल, दुर्गा प्रसाद भुसाल, गणेश गुरुङ्ग, चन्द्रकला सापकोटा अर्याल, गंगा प्रसाद भट्टराई, मेग प्रसाद पराजुली, चन्द्रकला प्रसाई खड्का र झन बहादुर घर्ति मगर निर्वाचित हुनुभएको छ । 

त्यसैगरि विश्वनाथ काफ्लेको संयोजकत्वमा नारायण प्रसाद तिम्सिना र दुर्गा प्रसाद चापागाईंको सदस्यता सहित ३ सदस्यीय लेखा सुपरिवेक्षण समिति चयन गरेको छ । 

साकोसका अध्यक्ष सालिकराम कोइरालाको अध्यक्षता र नेफ्स्कूनका अध्यक्ष परितोष पौड्यालको प्रमुख आतिथ्यतामा साकोसको १३औं वार्षिक साधारणसभा आश्विन ७ गते सम्पन्न भएको थियो भने साधारणसभा सम्पन्न भएसँगै नेतृत्व चयन प्रक्रिया शुभारम्भ भएको थियो ।