काठमाडौं । गोकर्णेश्वरस्थित चिनारी बचत तथा ऋण सहकारी संस्था लि.ले युवा सदस्यहरु लक्षित दोश्रो चिनारी दौड प्रतियोगिता सफलतापूर्वक सम्पन्न गरेको छ । आफ्ना सेयर सदस्यलाई लक्षित गरेर चिनारी साकोसले आयोजना गरेको पुरुष तर्फको दौडमा मनोज तामाङ र महिला तर्फको दौडमा हृदय राई प्रथम भएका हुन् ।

पुरुषतर्फ मनोज तामाङ २४ मिनट ३० सेकेन्डमा दौड पुरा गर्दै प्रथम भए भने दोश्रो हुने कृतिम श्रेष्ठले २७ मिनेट ३० सेकेन्ड र तेश्रो हुने सुर्य वहादुर कार्कीले २८ मिनेट ८ सेकेन्डमा दौड पूरा गरेका थिए । त्यस्तै महिला तर्फ हृदय राईले १९ मिनट २२ सेकेन्डमा दौड पूरा गरेकी थिईन भने दोश्रो हुने श्रेया श्रेष्ठले २२ मिनट ४७ सेकेन्ड र तेश्रो हुने जमुना श्रेष्ठले २४ मिनट २१ सेकेन्डमा दौड पूरा गरेकी थिईन् ।

प्रतियोगिताका प्रथम हुनेलाई मेडल प्रमाणपत्र सहित नगद रु १० हजार, दोश्रो हुनेलाई मेडल प्रमाणपत्र सहित ५ हजार र तेश्रो हुनेलाई मेडल प्रमाणपत्र सहित नगद रु ३ हजार प्रदान गरिएको थियो। टप १० लाई मेडल तथा प्रमाणपत्र प्रदान गरिएको थियो ।

कार्यक्रममा ओलम्पियन तथा किर्तिमानी धावक बैकुण्ठ मानन्धरले धावकहरुलाई दौड प्रतियोगिता अगाडि उत्प्रेरणा जगाउनुभएको थियो । कार्यक्रमको समापन समारोहका सभापति एवम् चिनारी साकोसका अध्यक्ष न्हुछे नारायण श्रेष्ठले विजेतालाई बधाई तथा शुभकामना दिँदै चिनारी सकोस समुदायमा सधै क्रियाशील रहने बताउनुभयो । आफ्ना सदस्हरुलाई स्वस्थ बनाउन कार्यक्रम आयोजना गरिएको संस्थाका प्रबन्धक प्रेम श्रेष्ठले बताउनुभयो । कार्यक्रमलाई उत्तरबाहिनी बोर्डिङ स्कुल र चिनारी नेपालले प्राविधिक सहयोग गरेक थिए । चिनारी साकोस ३५ सय सदस्य भएको काठमाडौंको उत्तरपुर्वी भेगको प्रतिष्ठित बचत तथा ऋण सहकारी संस्था हो ।