काठमाडौं । नेफ्स्कून सदस्य सेवा कार्यालय गोंगबुको आयोजनामा आज कोष व्यवस्थापन तालिम सम्पन्न भएको छ । तालिममा २६ बचत तथा ऋण सहकारी संस्थाबाट ३५ जनाको सहभागिता थियो। तालिममा कोषको परिचय, कोषहरूको महत्व र उपयोगिता, कोष परिचालन नीति, खर्च हुने र नहुने कोषहरू, सहकारी ऐन २०७४ र नियमावली २०७५ को ब्यवस्था अनुसार कोषहरु बाँडफाँड गर्ने तरिका, संस्थागत पुँजी, खुद संस्थागत पुँजी लगायतका बिषयमा सहजीकरण गरिएको थियो ।

कार्यक्रम समापनमा नेफ्स्कूनका सञ्चालक सदस्य सुशिल कुमार बस्न्यातले कोष संस्थाको मुटु भएको बताउँदै स्वस्थ्य संस्था सञ्चालनका लागि कोषको सही व्यवस्थापन हुनुपर्नेमा जोड दिनुभयो । समापनमा सहभागीहरुलाई उत्प्रेरणाका लागि नेफ्स्कून सञ्चालक देव कुमार श्रेष्ठको पनि उपस्थिति थियो। नेफ्स्कून तालिम अधिकृत श्याम राजा तिमिल्सिनाले सहजीकरण गर्नुभएको तालिमको व्यवस्थापन तथा सञ्चालन सहजीकरण नेफ्स्कून गोंगबु सदस्य सेवा कार्यालय प्रमुख राधा पौडेल सहित व्यवस्थापन कर्मचारीहरुबाट भएको थियो।