चितवन । नेफ्स्कून चितवन सदस्य सेवा कार्यालयको आयोजनामा 'नीति, आन्तरिक कार्यविधि निर्माण तथा माइन्यूट लेखन तालिम' आज सम्पन्न भएको छ । तालिममा १२ महिलासहित ३२ बचत तथा ऋण सहकारी संस्थाबाट ३४ जनाको सहभागिता रहेको थियो। २ दिने तालिममा नीति तथा आन्तरिक कार्यविधिको महत्व तथा आवश्यकता, यिनको निर्माण तथा संशोधनको प्रक्रिया, बैठकको माइन्युट लेखन गर्दा ध्यान पुर्याउनुपर्ने विषयहरु तथा माइन्यूटको महत्व आदि विविध विषयमा सहजीकरण गरिएको थियो । 

उद्घाटन कार्यक्रममा नेफ्स्कूनका अध्यक्ष चन्द्र प्रसाद ढकाल तथा उपाध्यक्ष शान्ति अधिकारी उपस्थित हुनुभएको थियो । उहाँहरुले नेफ्स्कूनमार्फत सदस्य संस्थाहरुको क्षमता विकासमा भैरहेका पहलहरु, साकोस अभियानको बहसपैरवीमा भएका कामहरु, समसामयिक अन्य विषयसँगै सदस्य संघ संस्थाका सुझावहरु ग्रहण गर्ने र त्यसकै आधारमा अघि बढ्ने विचार व्यक्त भएको थियो । 

नेफ्स्कून तालिम अधिकृत उमेश कोइरालाले सहजीकरण गर्नुभएको तालिमको व्यवस्थापन तथा सञ्चालन सहजीकरण नेफ्स्कून चितवन सदस्य सेवा कार्यालय प्रमुख रिसभराज रेग्मीले गर्नुभएको थियो ।