गैँडाकोट । किसान बचत तथा ऋण सहकारी संस्थाले ६७औं राष्ट्रिय सहकारी दिवसको अवसरमा गैँडाकोटको वडा नम्वर ८ लाई ‘पूर्ण किसान सदस्य वडा’ घोषणा गर्ने भएको छ । साकोसले उक्त विशेष कार्यक्रम भोलीको पावन दिन बिहान ११ बजे विजय आधारभूत विद्यालय, विजयनगर, गैंडाकोट ८ मा सदस्यहरुलाई आमत्रण गरी गर्ने संस्थाका अध्यक्ष भोजराज पौडेलले जानकारी गराउनुभयो ।

दिवसको पूर्वसन्ध्यामा साकोसले आज प्रभात फेरी कार्यक्रम समेत गरेको छ । केन्द्रीय कार्यलयबाट सुरु भएको मोटरसाईकल र्याली गैँडाकोट ८ को सम्पूर्ण चोकको परिक्रमा गरी गैंडाकोट नगरपालिका अगाडी आएर समापन भएको विजय नगर सेवा केन्द्रका संयोजक डिलाराम सापकोटाले जानकारी दिनुभयो । कार्यक्रममाा नेफ्स्कून सञ्चालक सदस्य गोपालप्रसाद गौतम तथा साकोसका अध्यक्ष भोजराज पौडेले पनि सहभागी हुनुभएको थियो ।

यसैगरी, र्यालीमा संस्थाका बाँकी संचालक समिति, विजयनगर सेवाकेन्द्र उपसमिति, कर्मचारी र सदस्यहरुको उपस्थिती रहेको संस्थाका प्रमुख कार्यकारी अधिकृत जिवलाल तिवारीले जानकारी गराउनुभयो ।