एजेन्सी । अन्तर्राष्ट्रिय सहकारी महासंघ (आईसीए) ले आसन्न १०२औं अन्तर्राष्ट्रिय सहकारी दिवस २०२४ लाई मध्यनजर गर्दै ‘कोअपरेटिभ भिजन बोर्ड’ सार्वजनिक गरेको छ । उक्त भिजन बोर्डमा विश्वभरका सहकारी संघ संस्थाहरुले उन्नत भविष्यका योजना, आकांक्षाहरुका सम्बन्धमा आफ्नो सृजनशीलता प्रस्तुत गर्न सक्नेछन् ।

यसका लागि संस्थाले गरेका राम्रा क्रियाकलापहरुका तस्बिर, दृष्टान्त, चित्र वा अभिव्यक्तिहरु समावेश गरी आफ्नो सामाजिक सञ्जालमा आइसीएलाई ट्याग गरी पोष्ट गर्न सकिने जनाएको छ । यसले दिगो भविष्य र समुदायिक हितमा केन्द्रीत संस्थाका उदाहरणीय र विशिष्ट खालका गतिविधिहरु विश्वसामु परिचित गराउनेछ । साथै सहकारी अभियानको भूमिका र योगदानको पनि प्रचारप्रसार हुनेछ ।

विश्वभर आगामी ६ जुलाई (असार २२) मा १०२औं अन्तर्राष्ट्रिय सहकारी दिवस विविध कार्यक्रम गरी मनाइँदैछ । यो वर्षको अन्तर्राष्ट्रिय सहकारी दिवसको थिम ‘सहकारीहरुले सबैका लागि समुन्नत भविष्य निर्माण गर्दछन्’ भन्ने रहेको छ ।