काठमाडौं । रुपन्देहीको बुटवलस्थित प्रयास बचत तथा ऋण सहकारी संस्था लि. को १७ औ स्थापना दिवसको पूर्वसन्ध्यामा बुटवल ८, मानव सेवा आश्रममा एक छाक खाना खुवाउने कार्यक्रम महिला विकास उपसमितिको संयोजनमा सम्पन्न भएको छ ।

२०८२ साल सम्ममा नेपाललाई सडक मानवमुक्त बनाउने घोषणा पूरा गर्ने अभियानमा मानव सेवा आश्रमले सडक मानवको उद्धार र संरक्षणमा पुराएको योगदानको सम्मान गर्दै सासकोसले संस्थागत सामाजिक उत्तरदायित्व अन्तर्गत एक छाक खाना खुवाउन दस हजार रुपैयाँ आर्थिक सहयोग गरेको थियो । आश्रममा रहेका जेष्ठ नागरिक साथै अभिभावकबिहिन, फरक क्षमता भएकाहरु आदि गरी ५० जनालाई खाना खुवाउन संस्थाका संचालक, सल्लाहकार, उपसमितिहरु, कर्मचारीहरुको उपस्थिति रहेको थियो ।

महिला विकास उपसमिति संयोजक सीता कंडेल तरामुको अध्यक्षता, संस्थाका अध्यक्ष भीमबहादुर थापाको प्रमुख आतिथ्यता रहेको उक्त कार्यक्रमको संचालन सीता थापाले गर्नुभएको थियो भने स्वागत मन्तव्य सुनिता गिरिले राख्नुभएको थियो । 

विगत १६ बर्ष देखि प्रयास साकोसले आफ्नो कार्यक्षेत्र भित्र सामाजिक तथा आर्थिक बिकासमा उल्लेखनीय योगदान पुर्याउँदै आएको र संस्थाले स्थापना दिवसको अवसरमा स्वास्थ्य शिविर, रक्तदान, सरसफाइ जस्ता कार्यक्रम सन्चालन गरेर सदस्यको मन जित्न सफल भएको जानकारी संचालक सदस्य झबिन्द्र प्रसाद आचार्यले गराउनुभयो ।