रामेछाप । नेफ्स्कून मन्थली सदस्य सेवा कार्यालयको आयोजनामा सदस्य साकोसहरुको लागि जाली नोट पहिचान तालिम सम्पन्न भएको छ । तालिममा १९ साकोसवाट २४ जनाको सहभागिता थियो ।

तालिम सहभागीहरुले आवश्यक तालिम मार्फत सिकेका विषय व्यवहारमा लागु गरी साकोस र सदस्यहरुलाई समेत सिकाउने प्रतिवद्धता व्यक्त गर्नुभयो । साथै उहाँहरुले नेफ्स्कून प्रति आभार समेत व्यक्त गर्नुभयो । 

तालिम समापनमा जिल्ला बचत तथा ऋण सहकारी संघ लि. रामेछापका अध्यक्ष जगन्नाथ दाहालले हाल बजारमा जाली नोटको जोखिम बढिरहेको अवस्थामा नेफ्स्कूनले तालिम आयोजना गरी सजगता तथा सचेतना जगाएकोमा धन्यवाद दिनुभयो । उहाँले साकोसका कर्मचारीमा जागिरे मनोवृत्ति मात्र नभई सदस्यहरुको भावना अनुरुप प्रभावकारी सेवा प्रवाह गर्नसक्ने हुनुपर्नेमा जोड दिनुभयो ।          

तालिम सहजीकरण नेफ्स्कूनका तालिम अधिकृत रविन्द्र श्रेष्ठले गर्नुभएकोे थियो । तालिम व्यवस्थापन नेफ्स्कून मन्थली सदस्य सेवा कार्यालय ईन्चार्ज सूर्य बहादुर थापा र व्यवसाय सहायक सुनीता दाहालले गर्नुभएको थियो ।