ललितपुर । नेफ्स्कूनको प्राबिधिक सहयोग तथा दिपावती साकोसको आयोजनामा भदौ १४ गते जोखिममा आधारित साकोस सुपरिबेक्षण कार्यक्रम कर्ब्स ललितपुर समुहको १९ औ कार्यकुशलता तथा सिकाइ ब्यबस्थापन कार्यशाला सम्पन्न भएको छ ।

कार्यशाला संस्थाका अध्यक्ष सानुकाजी महर्जनको सभापतित्व र नेफ्स्कूनका सन्चालक सदस्य देव कुमार श्रेष्ठको प्रमुख अतिथ्यतामा सम्पन्न भएको हो । उक्त समुहका ६ वटा संस्था तथा अन्य १ संस्था सहित ७ वटा संस्थाको सहभागितामा कार्यशाला सम्पन्न भएको थियो । 

प्रमुख अतिथि देव कुमार श्रेष्ठले नेफ्स्कूनले छैठौं रणनीतिक योजनामा सन्जाल ब्यबस्थापनलाई प्राथमिकतामा राखेको र सन्जाल मजबुत गराउन सबैको सह्कार्य आवश्यक रहने बताउनुभयो ।

कार्यक्रम सुरु भएको केही समयमा पुग्नुभएका संघका कोषाध्यक्ष कोषाध्यक्ष दिपक थापाले नेफ्स्कूनले आफ्नो छैठौं रणनीति योजनामा peoples livelihood improvement समाबेश गरेको र साकोसको पनि पहिलो प्राथमिकता र प्रमुख उद्देश्य सदस्यको जीवनस्तर सुधार हुनुपर्ने बताउनुभयो ।

नेफ्स्कूनका सहायक कार्यकारी अधिकृत दुर्गा प्रसाद ढकालले स्थिरीकरण कोषका कार्यहरुबारे जानकारी गराउँदै योग्दानका लागि आव्हन गर्नुभयो ।

कार्यशालामा वित्तीय सूचक तथा संस्थागत कोस्माइलका सूचकमा आधारित प्रतिबेदनमा बिस्तृत छलफल भई आगामी ३ महिनाको कार्य योजना निर्माण भएको छ । यसका साथै पाम कार्यशालाको नयाँ मोडालिटीबारे पृष्ठपोषण लिइएको कार्यशाला सहजकर्ता नेफ्स्कूनकी कार्यक्रम अधिकृत सोबिता मैनालीले जानकारी गराउनुभयो ।