काठमाडौं । काठमाडौं महानगरपालिकाले आफ्नो कार्यक्षेत्र भित्रका सहकारी संस्थाहरुलाई २०८१ भदौं पौष मसान्तभित्रै वार्षिक साधारण सभा सम्पन्न गरी उक्त सभाबाट पारित प्रतिवेदन साधारण सभा सम्पन्न भएको मितिले १५ दिन भित्र महानगरपालिकाको सहकारी विभागमा बुझाउन अनुरोध गरेको छ ।

यसैगरी, महानगरले साधारण सभा सञ्चालन गर्दा सहकारी संस्थाको साधारण सभा (कार्य व्यवस्था) निर्देशिका २०७६ को पूर्ण पालना गर्न पनि आग्रह गरेको छ । महानगरले सहकारी ऐन २०७४ को दफा ३९ (२) तथा काठमाडौं महानगरपालिका सहकारी ऐन २०७४ को दफा २८ (२) को कानूनी प्रबन्धलाई आधार मानेर समयमै साधारण सभा सम्पन्न गर्न अनुरोध गरेको हो । महानगरले यही भदौं २४ गते सार्वजनिक सूचना प्रकाशित गरी यो विषयमा सम्बन्धित सबै सहकारी तथा सरोकारवालाहरुको ध्यानाकर्षण गराएको हो ।