काठमाडौं । नेफ्स्कून कञ्चनपुर सदस्य सेवा कार्यालयको आयोजनामा 'ब्यवसाय प्रवर्धनका लागि साकोस ब्यवस्थापकहरुसँग अन्तरक्रिया' तथा विजया दशमीको शुभकामना कार्यक्रम आज कञ्चनपुरमा सम्पन्न गरिएको छ ।

नेफ्स्कून सञ्चालक एवम् कंचनपुर सदस्य सेवा कार्यालय व्यवस्थापन उपसमिति संयोजक दिप्ती शाहीको अध्यक्षतामा आयोजित कार्यक्रममा कञ्चनपुर बचत संघका अध्यक्ष भवानी चन्द्र, संघको कञ्चनपुर सदस्य सेवा कार्यालय ब्यवस्थापन उप–समिति सदस्यहरु मदन राज रेग्मी, सुरत बोगटी र कल्पना विष्ट, कञ्चनपुर म्यानेजर्स क्लबका अध्यक्ष गणेश भट्ट, कञ्चनपुर सीएमसीका अध्यक्ष सुनिल सेट्टी लगायत अतिथि रहनुभएको थियो ।

कार्यक्रममा नेफ्स्कून सञ्चालक शाहीले संघका बस्तु तथा सेवाहरु, नेपालमा सहकारीको संस्थागत विकास, नेफ्कूनको भूमिका, सहकारीका समसामयिक विषयबस्तुहरुबारे धारणा राख्नुभएको थियो ।

कार्यक्रममा आसन्न बडा दशैंको शुभकामना आदानप्रदान समेत गरिएको नेफ्स्कून कञ्चनपुर सदस्य सेवा कार्यालय प्रमुख यम डाँगीले जानकारी गराउनुभयो ।