काठमाडौं । नेपालको बचत तथा ऋण सहकारी अभियानको शीष निकाय नेपाल बचत तथा ऋण केन्द्रीय सहकारी संघ लि. (नेफ्स्कून) मा रोजगारीका लागि अवसर सृजना भएको छ ।

संघले कार्तिक २५ गते सूचना प्रकाशित गरी खुल्लातर्फ २ वटा पदमा विज्ञापन आव्हान गरेको छ । संघले चौथो तहमा काठमाडौं भित्रका लागि १ जना सूचना प्रविधि सहायक र व्यवस्थापन प्रशिक्षार्थी पदमा काठमाडौंमा ४ जना तथा सुर्खेत, दाङ, बनेपा र नेपालगञ्जमा १/१ जना गरी ९ जना कर्मचारी माग गरेको हो ।

इच्छुकहरुलाई सूचना प्रकाशित भएको मितिले १५ दिनभित्र संघको वेबसाइट https://www.nefscun.org.np/open-vacancy-2081/ मा उपलब्ध फारम भरी रितपूर्वक दरखास्त बुझाउन सूचित गरिएको छ । सबै पदका लागि आवश्यक न्यूनतम तथा थप योग्यताहरु सूचनामा खुलाइएको छ ।

यसैगरी, संघले लमजुङ र दोलखाका लागि पाँचौ तहका १ १ जना बरिष्ठ सहायक पनि आन्तरिक प्रतिस्पर्धाका आधारमा परिपूर्ति गर्ने गरी योग्यता र आवश्य थप योग्यताहरुसहित सूचना जारी गरेको छ ।