काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) का अध्यक्ष चन्द्रप्रसाद ढकालले संस्थाको अध्यक्ष र व्यवस्थापन प्रमुखले सही दिशानिर्देश गरी टीममा काम गर्दा सफलता प्राप्त हुने बताउनुभएको छ । 

नेफ्स्कून तथा काठमाडौं जिल्ला बचत तथा ऋण सहकारी संघ लि. (कास्कून) को प्राबिधिक सहयोग एवम् गितान्जली साकोसको आयोजनामा कार्तिक २६ गते सञ्चालित जोखिममा आधारित साकोस सुपरिबेक्षण कर्ब्स उपत्यका पहिलो समूहको १७औ कार्यकुशलता तथा सिकाइ ब्यबस्थापन कार्यशालामा बोल्दै उहाँले अध्यक्ष र प्रमुख कार्यकारी अधिकृतबीच केमेस्ट्री मिल्दा संस्थामा नतिजामुखी परिणाम प्राप्त हुने बताउनुभएको हो ।

एक अर्को प्रसङ्मा उहाँले नेफ्स्कूनले आफ्ना सदस्य संस्थाको गैर स्थलगत सुपरिवेक्षण सुरु गरेको जानकारी गराउनुभयो भने स्थिरीकरण कोषको बढ्दो उपयोगिता, प्रभावकारिता र आवश्यकताबारे समेत उल्लेख गर्नुभएको थियो । अध्यक्ष ढकालले सदस्यको हक हित का लागि संघले निरन्तर बहस पैरवी गरिरहेको पनि दाबी गर्नुभयो ।

साकोसकी अध्यक्ष सीमा अधिकारीको अध्यक्षतामा आयोजित कार्यक्रम सचिव मिरा अधिकारीले सञ्चालन गर्नुभएको थियो भने नेफ्स्कूनको तर्फबाट सुशासन जोखिम र व्यवस्थापन बिषयमा कार्यक्रम अधिकृत सोबिता मैनालीले प्रस्तुती गर्नु भएको थियो । सहजीकरण सहयोग कास्कूनकी कार्यक्रम अधिकृत सुनिता चलाउनेले गर्नु भएको थियो ।

यस समुहमा गितान्जली साकोस, याङरीमा साकोस, नालाछाप साकोस, चन्द्रसुर्य साकोस, औधोगिक साकोस र हाम्रो समावेशी साकोस गरी ६ वटा संस्थाको सक्रिय सहभागितामा साकोसहरुको वित्तीय साथै संस्थागत सूचकहरुको हालको अवस्थाको प्रस्तुति गरिएको थियो ।