काठमाडौं । सहकारी क्षेत्रमा आवश्यक दक्ष जनशक्ति उत्पादन गरी व्यवस्थापन गर्ने उद्देश्यका साथ नेपाल बचत तथा ऋण केन्द्रीय सहकारी संघ लि। ९नेफ्स्कून० द्वारा प्राविधिक शिक्षा तथा व्यावसायिक तालिम परिषद् (सीटीईभीटी) सँगको सम्बन्धनमा सञ्चालन गरिएको सहकारी व्यवस्थापक कोर्षको छैठौं ब्याच शुरु भएको छ ।

संघले आज एक भर्चुअल कार्यक्रम गरी नयाँ ब्याचको औपचारिक थालनी गरेको हो । संघकी उपाध्यक्ष एवम् तालिम शिक्षा उपसमिति संयोजक शान्ति अधिकारीले आज एक भर्चुअल कार्यक्रमबीच नयाँ ब्याचको थालनी घोषणा गर्नु भएको हो ।  उक्त कोर्ष ६०० घण्टा अवधिको हुनेछ । आगामी जेठ महिनामा कोर्ष पूरा हुने छ र साउनमा दीक्षान्त समारोह गरिने संघले जनाएको छ । यो पटकको कोर्षमा ८ जिल्लाबाट १० जनाको सहभागिता रहेको छ ।