चन्द्रपुर, रौतहट । संकल्प साकोसले माघ १२ गते शनिबार चन्द्रपुर ३ गैडाटारमा सहकारी शिक्षा तथा अन्तरक्रिया कार्यक्रममा सम्पन्न गरेको छ ।

साकोसका शिक्षा उपसमिति संयोजक शारदा भण्डारीको अध्यक्षतामा साकोसका निवर्तमान अध्यक्ष विभु पोखरेल लगायत सञ्चालक बिदुर न्यौपाने, शिक्षा उप समिति सदस्य उमेश गौतम, उत्तम काफ्ले र लक्ष्मी थपलिया, उपसमिति सदस्य रमेश तिमल्सिना, गोपाल राउत, ऋण अधिकृत युवराज पौडेल, कार्यालय सहायक निरन्जन दाहाल, राधाकृष्ण मन्दिर ब्यबस्थापन समितिका अध्यक्ष लगायत पदाधिकारी, सामाजिक ब्यक्तित्वहरु, सदस्य र सम्भावित सदस्य गरि ७५ भन्दा बढीको उपस्थिति रहेको थियो ।

कार्यक्रमको सन्चालन शिक्षा उपसमिति सदस्य उत्तम काफ्लेले गर्नु भएको थियो भने स्वागत संचालक बिदुर न्यौपानेले गर्नु भएको थियो। संस्थाका गतिविधि , वित्तीय अवस्था, संस्थामा आवद्धता जनाउनु पर्ने कारण, बचतको महत्व, ऋण लगानीको प्रक्रिया, ब्याजदर, सदस्य बन्न चाहिने योग्यता र प्रक्रिया लगायत विविध बिषयमा जानकारी र सदस्यको जिज्ञासालाई संस्थाका निवर्तमान अध्यक्षको हैसियतले पोखरेलले जानकारी गराउनुभएको थियो ।