काठमाडौं । रौतहटको चन्द्रपुरस्थित नव विकास बचत तथा ऋण सहकारी संस्थाले माध्यमिक विद्यालयस्तरीय (कक्षा ११ र १२) हाजिरी जवाफ प्रतियोगिता आयोजना गरेको छ । माघ १४ गते सोमबार आयोजित प्रतियोगितामा श्री सुबलाल भागवत माध्यमिक विद्यालय चन्द्रपुर-८, सन्तपुर प्रथम, जनज्योति माध्यमिक विद्यालय, चन्द्रपुर-६ द्धितीय र जनजागृति माध्यमिक विद्यालय चन्द्रपुर-९ सिन्दुरेघारी, चन्द्रनिगाहपुर तृतीय भएका छन् । 

प्रतियोगितामा बागमती माध्यमिक विध्यालय चन्द्रपुर-१ गोपालकुटी, श्री माध्यामिक बिध्यालय चन्द्रपुर-२ जुडिवेला, श्री जनशक्ति माध्यमिक विद्यालय चन्द्रपुर-३ गैंडाटार,  मुन लाइट एकेडेमी, चन्द्रपुर-५ चन्द्रनिगाहपुर, माउन्ट एभरेस्ट आवासीय माध्यमिक विद्यालय चन्द्रपुर-५ चन्द्रनिगाहपुर,  बाल निकेतन आवासीय विद्यालय चन्द्रपुर-६ चन्द्रनिगाहपुर,  जनज्योति माध्यमिक विद्यालय, चन्द्रपुर-६ , चन्द्रनिगाहपुर, श्री सुबलाल भागवत माध्यमिक विध्यालय चन्द्रपुर-८ सन्तपुर, जनजागृति माध्यमिक विद्यालय चन्द्रपुर-९ सिन्दुरेघारी, श्री कृष्ण माध्यमिक विद्यालय चन्द्रपुर-१० बालचनपुरबाट विद्यार्थीहरु सहभागी भएका थिए । 

साकोसले विजयीहरु तथा सहभागीहरु सबैलाई धन्यवादसहित आगामी वर्ष पनि प्रगियोगिता आयोजना गर्ने जनाएको छ ।