सर्लाही । सर्लाहीको हरिवनमा सञ्चालित सगुन बचत तथा ऋण सहकारी संस्था लि.ले सहकारी दिवसको अवसर पारेर सामाजिक उत्तरदायित्व कार्यक्रम अन्तर्गत मानवसेवाको कार्य गरेको छ ।  ६८ औं राष्ट्रिय सहकारी दिवसको पूर्वसन्ध्यामा साकोसले लालबन्दी–२, जुटपानीमा रहेको पद्म–भुुवनेश्वरी नमुना बृद्ध सेवाश्रममा रहेका ६० जना आमाबुबालाई मिष्ठान्न भोजन गराएको हो ।

बृद्ध सेवाआश्रमका आमाबुबालाई विहानीको भोजन गराउने कार्यमा साकोसका उपाध्यक्ष राज कुमार उप्रेती र लेखा सुपरिवेक्षण समितिका संयोजक जय शंकर सिंहको नेतृत्व सहित साकोसका सञ्चालक समिति, लेखा समिति, सल्लाहकार, शिक्षा समिति, युवा समिति र कर्मचारी गरी १४ जनाको सहभागिता रहेको थियो ।  

सेवाश्रमका सञ्चालक बासुदेव कोईराला र भवानी कोईरालाई साकोसका प्रतिनिधिहरुबाट भोजन हस्तान्तरण गरिएको थियो ।