काठमाडौं । ‘मर्यादित सहकारीः समुन्नत समाज’ को थिमलाई आत्मसाथ गर्दै ६८औं राष्ट्रिय सहकारी दिवस तथा अन्तर्राष्ट्रिय सहकारी वर्ष २०२५ भव्य रुपमा मनाउन भूमि व्यवस्था, सहकारी तथा गरिबी निवारण मन्त्रालय, सहकारी विभाग, मुल समारोह समितिले सम्पूर्ण सहकारी अभियानकर्मीहरुमा हार्दिक निमन्त्रणा गरेको छ ।  भूमि व्यवस्था, सहकारी तथा गरिबी निवारण मन्त्रालय र सहकारी अभियानको संयुक्त आयोजनामा भोलि, चैत्र २० गते राष्ट्रिय सभा गृहमा ६८औं राष्ट्रिय सहकारी दिवस तथा अन्तर्राष्ट्रिय सहकारी वर्ष २०२५ को भव्य कार्यक्रम हुँदैछ ।

राष्ट्रिय सहकारी दिवस एवम् अन्तराष्ट्रिय सहकारी वर्ष मनाउन १५१ सदस्यीय मूल समारोह समिति गठन गरिएको थियो भने २५ सदस्यीय कार्य व्यवस्थापन समिति समेत गठन गरिएको थियो । कार्य व्यवस्थापन समितिको संयोजक रजिस्ट्रार उमेश ढुंगाना हुनुहुन्छ । 

समारोहमा सहकारी गानको सार्वजनिकीकरण, सहकरी वर्ष लोगो अनावरण, पुरस्कार घोषणा, साँस्कृतिक कार्यक्रम, थीम सार्वजनिकीकरण लगायतका विविध गतिविधिहरु आयोजना हुनेछन् । मुल समारोह समितिले 'मर्यादित सहकारीः समुन्नत समाज' थीममा देशव्यापी रूपमा दिवस मनाउन सहकारी अभियानकर्मीहरुमा आव्हान गरेको छ ।