खुसी कर्मचारी, सन्तुष्ट सदस्य यही हो सहकारीको अमूल्य गहना ।

सुर्यविनायक नगरपालिका १०, सिमलटार भक्तपुरमा पुग्दा प्रत्यक्ष जे देखियो त्यो तस्बिरमा । साकोसको कार्यालयमा पुग्नासाथ सबैलाई शुरुमै न्यानो स्वागत । सदस्य होस्, आगन्तुक तथा पाहुना । (उठेर नमस्कार गर्ने सहकारी संस्कार ।)

सहकारीका मालिक सदस्य । सहकारीको आफ्नै भवन । भित्ताभरि सूचना तथा जानकारी । सदस्यहरुमा बचत बानी विकासका लागि प्रेरणामूलक सामग्रीहरुको सुन्दर प्रस्तुतीकरण । बचत कसरी गर्ने ? नियमित मासिक बचत किन ?

ऋण ऋण होइन व्यवसाय हो । ऋणी ऋणी होइन व्यवसायी हो । प्रयोग गर्न जानेमा ऋण केही गर्न खोज्नेका लागि साधन हो,  समस्या हल गर्न चाहनेका लागि उपाय हो, फलाउन कोशिश गर्नेका लागि बीउ हो, जाँगरिला र मेहनेतीका लागि माध्यम हो । प्रयोग गर्न नजानेमा ऋण गलपासो हो । (तस्बिरमा  जे छ ।)

सफा र चट्ट मिलेको सहकारी पैरनमा हँसिला कर्मचारीहरु, कार्यसम्पादनमा व्यस्त, मस्त र अनुसाशित । 

सफा कार्यालयीय बातावरण, व्यवस्थित र सुरक्षित अभिलेखिकरण व्यवस्थापन । प्रविधि प्रयोगमा अब्बल । 

वि.सं.२०५४ सालमा सिमल्टार विकास समुहका ४२ जना सदस्यहरुबाट रु. ५ संकलन गरि २ सय १० रुपैंयाबाट उठान भएको सिमल साकोसको अवधारणाले आज २ हजार ६५३ सदस्यको सेवामा पहुँच पुग्न सफल भएको छ र आकाश छुने झै सहकारी भवन अग्लिएको छ । आशा छ समुदायमा आधारित सिमल साकोस सदस्यको विश्वास जित्दै सुरक्षित, गुणस्तरीय, सुशासनयुक्त भएर अझै अग्लन सकोस् । सदस्यको दुःख सुखको अनन्त छहारी बन्न सकोस् ।