पाल्पा । नेपाल बचत तथा ऋण केन्दीय सहकारी संघ लिमिटेड (नेफ्स्कून) को र DSIK GERMAN  को प्राविधिक सहयोगमा रामपुरमा रहेको अन्धकारमुक्ति बचत तथा ऋण सहकारी संस्था लिमिटेडको आयोजनामा साना व्यवसायीहरुको लागि तीन दिने लघु व्यवसाय खेल तालिम सम्पन्न भएको छ । 

सहकारीमा आवद्ध साना व्यवसायीहरुको लागि वित्तीय व्यवस्थापन, सीप  तथा  प्राविधिक सहयोग पु¥याउने उदेश्यले तालिमको आयोजना भएको हो ।
संस्थाका अध्यक्ष सागर प्रसाद देवकोटाको अध्यक्षतामा भएको कार्यक्रम रामपुर नगरपालिकाका  प्रमुख रमण बहादुर थापाको प्रमुख आतिथ्यतामा भएको थियो ।
तालिमको  सुरु गर्दै नगर प्रमुख रमण बहादुर थापाले आर्थिक समृद्धिका लागि व्यवसाय महत्वपूर्ण रहेको कुनै पनि व्यवसाय सही व्यवस्थापन गर्न सके मात्र सफलता प्राप्त हुने  बताउँदै उहाँले  तालिम बाट प्राप्त सिपको सहि सदुपयोग गरी अघि बढ्न र तालिमको भरपुर फाईदा लिन सदस्यहरुलाई आग्रह समेत गर्नु भएको थियो । 
संस्थाका अध्यक्ष सागर प्रसाद देवकोटाले व्यवसाय सञ्चालन गर्दै  आएका  शेयर सदस्यहरुलाई आर्थिक रुपमा सक्षम र सफल बनाउनका लागि आवश्यक सिप प्रदान गर्न तालिम सञ्चालन भएको बताउनु भयो । 

कार्यक्रमको सहजिकरण नेफ्स्कूनका बरिष्ठ अधिकृत भरत न्यौपाने र तालिम अधिकृत उमेश कोइरालाले गर्नु भएको थियो । तालिममा सहकारीमा आवद्ध ३० जना सदस्यहरुको सहभागिता रहेको थियो ।