मकवानपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) सदस्य सेवा कार्यालय हेटौँडा, २ मकवानपुरको आयोजनामा  १ दिने पुँजी पर्याप्तता विश्लेषण तालिम सम्पन्न भएको छ ।

सहकारी संस्थाको हितका लागि र सहकारी संस्था बचाइराख्न समयमा प्रतिवेदन पठाउनको लागि सहजिकरण हुने, बचत तथा ऋणको विषयमा पोख्त बनाएर आर्थिक समृद्धिका लागि साथै सदस्यहरुको जीवन शैलीमा परिवर्तन ल्याउन यस तालिमको आयोजना गरिएको हो । 

बजार जोखिम र सञ्चालनलाई ध्यान दिनुपर्ने सहकारीमा पुँजीकोषको पर्याप्तता सम्बन्धी कानुनी व्यवस्था आदिका बारेमा मकवानपुर सदस्य सेवा कार्यालय उपसमिती सदस्य राजु गौतमले आफ्नो समय समसामयिक विषयवस्तुमा प्रस्ट हुँदै नेफ्स्कुनले समयसापेक्षित रुपमा परिवर्तित ऐन कानुन मापदण्डले सहकारी संस्थाहरुलाई पर्न सक्ने नकरात्मक असरहरुको बिषयमा निरन्तर बहस पैरबीको रुपमा कार्य गर्दै आएको र संस्थाबाट माग भएर आएका कार्यक्रमहरु निरन्तर गर्ने बाचा सहित कार्यक्रमको समापन गर्नुभएको थियो । 

सहकारी संस्थाबाट ३८ जनाको सहभागिता रहेको तालिमको सहजीकरण नेफ्स्कूनका तालिम अधिकृत उमेश कोईरालाले गर्नु भएको थियो भने कार्यक्रम सञ्चालन मकवानपुर सदस्य सेवा कार्यालय प्रमुख ज्योति महतले गर्नु भएको थियो ।