रुपन्देही । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) सदस्य सेवा कार्यालय रुपन्देहीको आयोजनामा भाद्र २० गते ऋण सदुपयोगिता निरिक्षण तथा गैर बैकिङ्ग व्यवस्थापन तालिम बुटबल रुपन्देहीमा सम्पन्न भएको छ । 

नेफ्स्कूनका रुपन्देही सदस्य सेवा कार्यालय व्यवस्थापन उप–समिति सदस्य महेश्वर प्रसाद श्रेष्ठले कार्यक्रमको अध्यक्षता गर्नु भएको थियो उहाँले तालिममा सिकेका कुराहरुलाई हुबहु कार्यान्वय गर्न सके सहकारी संस्थाहरुको भाखा नागेको ऋण व्यवस्थापन गर्न सहज हुने कुरा गर्दै सदस्यहरु लाई ऋण लगानि गर्दा ऋणीको ऋण तिर्न सक्ने क्षमतालाई मूल्याङ्कन गरेर मात्र ऋण लगानि गर्न सुझाब दिनु भएको थियो ।

साकोसबाट व्यवस्थापक,ऋण अधिकृत,तथा ऋण उपसमितिका पदाधिकारीहरु गरी ३८ जनाको सहभागिता रहेको तालिमको सहजीकरण नेफ्स्कूनका तालिम अधिकृत रविन्द्र श्रेष्ठले गर्नुभएको थियो व्यवस्थापन व्यवसाय अधिकृत पवनजंग मल्ल र बरिष्ठ सहायक नेत्र प्रसाद सापकोटाले गर्नु भएको थियो ।