नेपाल बचत तथा ऋण केन्द्रीय सहकारी संघ लिमिटेड (नेफ्स्कून) सदस्य सेवा कार्यालय, सुर्खेतको आयोजनामा नियमित निरीक्षण अनुगमन कार्यक्रम (स्क्यान) को साकोस जोखिम व्यवस्थापन ३६० कार्यशाला गोष्ठि कर्णाली प्रदेशको बिरेन्द्रनगर, सुर्खेतमा असोज २६ गते सम्मपन्न भएको छ । 

कार्यक्रमको सहजीकरण गर्दै नेफ्स्कूनका सहायक कार्यकारी अधिकृत दुर्गा प्रसाद ढकालले संघ संस्थाहरुको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न, स्तरीकरण कार्यक्रम एक्सेस, प्रोवेशन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वःनियमन सक्षमता विकासको लागि नयाँ परिमार्जन कार्यक्रम (SCAN) सञ्चालन ल्याएको विषयमा सहजीकरण गर्दै नेफ्स्कूनको सञ्चालक समितिमा निर्णय समेत भई सकेको विषयमा जानकारी गराउनु भयो । कार्यक्रममा संस्थाको वासलातको आधारमा शुल्क निर्धारण हुने र निरीक्षण हुने विषयमा जानकारी गराउनु भएको थियो । 

संघका सञ्चालक तथा सदस्य सेवा कार्यालय संयोजक बिर बहादुर रावत (भोटे) को अध्यक्षतामा भएको अभिमुखीकरण कार्यक्रममा सहकारीका समसामयिक बिषयबस्तु, सहकारी नियमन प्राधिकरणमा संस्था दर्ता गर्नुपर्ने बिषय, प्रक्रियाका बारेमा साथै संशोधित सहकारी ऐन, नियमावली, नियामक निकायबाट जारी भएका मापदण्ड, निर्देशन बमोजिम चल्नुपर्ने विषयमा जानकारी लिई संस्था सञ्चालन गर्ने विषयमा जानकारी गराउँदै कार्यक्रममा सहभागि साकोसका व्यवस्थापक र अध्यक्षहरुबाट उठेका जिज्ञासा र प्रश्नहरुको विषयमा सम्बोधन गर्दै सकारात्मक सुझावहरुका लागि विशेष धन्यवाद ज्ञापन गर्नु भयो ।
कार्यक्रममा विभिन्न साकोसहरुका अध्यक्ष, साकोसका प्रतिनिधी, व्यवस्थापक, नेफ्स्कून कर्मचारीहरु गरी जम्मा ६५ जनाको सहभागिता रहेको थियो ।