सुर्खेत ।  नेपाल बचत तथा ऋण केन्द्रीय सहकारी सघं लिमिटेड (नेफ्स्कून) द्वारा जनकल्याण बचत तथा ऋण सहकारी संस्था लिमिटेड बिरेन्द्रनगर १ सुर्खेतको स्क्यान कार्यक्रम अन्तर्गतको साकोस अनुगमन कार्य सम्पन्न भएको छ । 

संस्थाको स्तरीकरणका लागि  बिभिन्न बिषयहरु जस्तै कर्जा, ब्याजदर, बार्षिक योजना, सम्पति शुद्धिकरण निवारण नितिको नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुलि, लगायत समग्र आर्थिक अवस्था र सहकारीले उपलब्ध गराएको सेवा सुबिधाको बिषयमा अनुगमन गरी कमी कमजोरीलाई सुधार गर्ने योजना सहित सुपरिवेक्षकबाट दिएको सुझाबहरुलाई संस्थाको पृष्ठपोषण ठान्दै प्रोबेशन कार्यदल र ब्यवस्थापन समक्ष प्रतिबद्धता ब्यक्त गर्दै जाने निर्णय  भएको छ ।

नेफ्स्कूनको तर्फबाट कार्यक्रम अधिकृत प्रबिण अधिकारी  र सदस्य सेवा कार्यालय  प्रमुख मदन कुमार चन्द, जनकल्याण साकोसका सचिब मोहन देब गिरि, का.मु.ब्यवस्थापक तिलक प्रसाद आचार्य र ऋण प्रमुख समिर धमला लगायत कर्मचारीहरुको उपस्थिति रहेको थियो ।  कार्यक्रमको उद्धेश्य सदस्य सहकारी संस्थाको जोखिम न्यूनीकरण गर्नु, स्तरीकरण , सुशासन तथा दिगोपनामा अभिबृद्धि गर्नु रहेको थियो ।